بعد أحداث الزعتري تفاجأت بردود فعل "البعض" وان شاء الله يكونوا قلة من شعبنا المِضياف

الي بطالب بكهربة أسوار المخيمات .. والي بطالب بالتضييق عليهم

يا جماعة .. ليش بنتجرّد من انسانيتنا لأنه في كم مندسّ في المخيمات لصالح
النظام المجرم وبدهم يوقعوا بين الشعب الأردني والشعب السوري المظلوم؟!!

نظام الأسد من مصلحته إنه يزعزع الأمن في مخيمات اللاجئين ويفتعل الخلافات مع الدول المستضيفة لللاجئين

لهيك ما فينا نعممّ نظرتنا للشعب عدده 22 مليون لأنه لنفرض انه منهم 100 الف سيئين

تانياً.. سبب احتجاجهم كان لقلة الطعام والشراب في المخيم .. مع العلم انه
الحكومة الأردنية مش دافعة اشي من جيبتها ..قبضت 3 مليار و800 ألف دولار
تقريباً كمساعدات لاستضافتها للسوريين:
110 مليون دينار من الإتحاد الأوروبي لمواجهة تدهور الأوضاع الاقتصادية في لأردن بسبب أزمة سوريا
100 مليون دينار منحة أمريكية لدعم الأردن في مواجهة تدفق اللاجئين السوريين
100 مليون دينار قرض من البنك الدولي كمساعدة طارئة للأردن
40 مليون دينار منحة أوروبية لمساعدة الأردن في مواجهة ظروفه الاستثنائية
25 مليون دينار مساعدة أمريكية إضافية للاجئين السوريين
500 ألف دينار مساعدة من نيوزيلندا للاجئين السوريين
دفعة صينية من مواد المساعدات الإنسانية الطارئة بمبلغ 3.2 مليون دولار أميركي لإغاثة اللاجئين السوريين في الأردن
2.5 مليون دينار مساعدة إيرلندية لللاجئين السوريين
1 مليون دينار دعم مالي من منظمة اليونيسف لتقوية الطلبة السوريين
اللاجئين،،، وتبحث اليونيسف الآن عمن يتبرع بـ 54 مليون دينار لللاجئين
السوريين!!!
واستقبلت أيضاً : 80 طن قافلة مساعدات من فرنسا للاجئين السوريين
25 طن قافلة مساعدات وبحمولة 28 شاحنة من السعودية للاجئين السوريين

يعني بالمحصلة الأردن كـحكومة وفّرت المكان .. وفلوس المساعدات الدولية مش مبينة عاللاجئين...

سلمت اناملك اخي الكريم شكرا لك لموضوعك المميز